Umhvørvisárinsmeting av vindmyllum vestan fyri Sands bygd í hoyring
Ein vindmyllulund skal eftir ætlan setast upp í Klivaløkshaga vestan fyri Sands bygd. Í tí sambandi hevur SEV gjørt eina meting av møguligum árinum, sum ætlanin kann hava á umhvørvið, sambært § 16 í Elveitingarlógini.
Hoyringartilfarið er grundað á, at vindmyllulundin kann rúma upp í 7 vindmyllur, ið kunnu vera upp í 150 metrar høgar og veingjabreiðið (rotordiametur) 117 metrar.
Umhvørvisárinsmetingin og fylgiskjøl eru almenn og síggjast niðanfyri:
Fylgiskjal 1: Útbyggingarætlan fyri grøna orku
Fylgiskjal 2: Ljóðviðurskifti fyri ymisk sløg av vindmyllum
Fylgiskjal 3: Skuggakast fyri ymisk sløg av vindmyllum
Fylgiskjal 4: Lívfrøðiliga margfeldið í Klivaløkshaga
Fylgiskjal 5: Tilgjørdar myndir av vindmyllum
Fylgiskjal 6: Rapport, Kjeller vindteknikk
Fylgiskjal 7: Rapport, Kjeller vindteknikk 7 x V117 vindmyllur
Fylgiskjal 8: Tilgjørdar størri myndir av vindmyllum
Viðkomandi almenningur, áhugafeløg og myndugleikar hava møguleika at koma við viðmerkingum til umhvørvisárinsmetingina.
Hoyringarfreistin er 5 vikur,
Møgulig hoyringarsvar skulu í seinasta lagi týsdagin 4. juni 2024 sendast til:
Umhvørvisstovan, Traðagøta 38, FO-160 Argir ella til us@us.fo.
