Einki úrslit
Fyrrverandi síða
Leiting framd av
Næsta síða

Um Umhvørvisstovuna

Umhvørvisstovan er stovnur undir Umhvørvismálaráðnum, og fevnir stovnurin um virkisøkini umhvørvisvernd, umhvørvisgransking, orkumál og elveitingareftirlit, viðarlundir og frílendi, land- og sjókort, matrikul, tinglýsing og landsfólkayvirlit.

Á hesi síðu

Um stovnin

Umhvørvisstovan er stovnur undir Umhvørvismálaráðnum, og fevnir stovnurin um virkisøkini umhvørvisvernd, umhvørvisgransking, orkumál og elveitingareftirlit, viðarlundir og frílendi, land- og sjókort, matrikul, tinglýsing og landsfólkayvirlit.

Umhvørvisstovan virkar fyri burðardyggari samfelagsmenning við at verja vistskipanir, røkja náttúrutilfeingið og gera rættarbundnar staðfestingar. Umhvørvisstovan hevur matrikul- og verndarfyrisiting, umsitur land- og sjókort, veitir tænastur og granskar innan virki stovnsins.

Við at sjónliggera okkara náttúruvirðir og at upplýsa og kunna um náttúru og umhvørvi, virkar Umhvørvisstovan fyri at fremja umhvørvisvinarligan hugburð og stimbra burðardyggari menning.
Umhvørvisstovan virkar fyri at røkja tær altjóða avtalur, sum Føroyar hava sett í gildi. Umhvørvisstovan tekur lut í norðurlendskum og altjóða samstarvi.

Umhvørvisstovan miðjar eftir at vera ein virkin fyrisiting við fremsta serkunnleika innan tey ábyrgdarøki, sum stovnurin røkir. Stovnurin sær tað, at kunna borgaran, myndugleikar og áhugabólkar, sum ein týðandi lut í virksemi stovnsins, og verður hetta millum annað gjørt gjøgnum virknar heimasíður: us.fo og foroyakort.fo.

Umframt nýggj virkisøki og tænastur, røkir Umhvørvisstovan tær uppgávur, ið fyrr vóru á Matrikulstovuni, Tinglýsingarstovuni, Landsfólkayvirlitinum, Skógrøkt Landsins, umhvørvisdeildini á Heilsufrøðiligu starvsstovuni og orkudeildini á Jarðfeingi. Orka gjørdist partur av Umhvørvisstovuni um árskiftið 2015/16, meðan hini virkisøkini á sumri 2007 vórðu løgd saman í nýggja stovnin: Umhvørvisstovan.


Grønur innkeypspolitikkur

Umhvørvisstovan vil vera í fremstu røð, tá talan er um at keypa inn umhvørvisvinarligt, vera fyrimynd fyri aðrar almennar stovnar og eisini vera við til at eggja øðrum at keypa umhvørvisvinarligt.

Tá keypt verður vil Umhvørvisstovan ikki einans hyggja eftir kostnaði, men eisini eftir rakstrarkostnaði og livitíð hjá vørum.

Umhvørvisstovan vil, har tað er møguligt, keypa vørur framleiddar í Føroyum, um veitarar kunnu veita vøru, ið livir upp til umhvørviskrøvini Umhvørvisstovan setir.

Umhvørvisstovan vil við sínum umhvørvispolitikki, gera sítt til, at innkeyp av vørum verður gjørt á ein so umhvørvisvinaligan máta sum til ber.

Innkeypspolitikkurin er í fyrstu atløgu galdandi fyri fylgjandi vørubólkar:

• Bleytt pappír
• Kopi- og skrivipapír
• Vaski- og reingerðarevni
• Teldur
• Skermar
• Printarar 

Tænastugjøld

Her er eitt yvirlit yvir kostnaðir fyri tænastur, ið Umhvørvisstovan veitir.

Starvsfólkayvirlit

Tað starvast umleið 70 fólk á Umhvørvisstovuni.

Leys størv

Í løtuni er einki starv lýst leyst á Umhvørvisstovuni.

Starvsvenjing og ritgerðir

Skalt tú skriva eina ritgerð ella í starvsvenjing? Umhvørvisstovan samstarvar fegin um starvsvenjing og ritgerðir. Ring til okkara ella send okkum ein teldupost.

Umhvørvisstovan

móttøka

Samband og upplatingartíðir

Skalt tú hava fatur á okkum? Um tú ikki veist, hvønn tú skalt tosað við, set teg so í samband við høvuðsskrivstovuna hjá okkum.

Høvuðsskrivstovan

Telefon:+298 342400
Teldupostur:us@us.fo
Avgreiðslutíð:mán. – frí. 10.00 – 15.00
Telefontíð:mán. – frí. 10.00 – 15.00
Adressa:Traðagøta 38, 165 Argir
Postadressa:Box 2048, FO-165 Argir
V-tal:405388
GLN/EAN nr.:5797100000737

Landsfólkayvirlit

Telefon:+298 358050
teldupostur:lfy@us.fo
Telefontíð:mán. – frí. 10.00 – 12.00
Adressa:Traðagøta 38, 165 Argir
Postadressa:Box 2048, FO-165 Argir

Tinglýsing

Telefon:+298 358020
e-mail:us@us.fo
Telefontíð:mán. – frí. 10.00 – 12.00
Adressa:Traðagøta 38, 165 Argir
Postadressa:Box 2048, FO-165 Argir

Skógrøkt

Telefon:+298 342400
Teldupostur:us@us.fo
Telefontíð:mán. – frí. 10.00 – 15.00
Upplatingartíðir – PlantusølanMánadag stongt
Týsdag – hósdag: 12-17
Fríggjadag: 12-18
Leygardag: 10-14
BústaðurHvítanesvegur 3, 188 Hoyvík
PostadressaBox 2048, FO-165 Argir

Tiltakið er fult teknað. Tú kann skriva teg á bíðilista, við at senda ein teldupost til barah@us.fo