Umhvørvisstovan > Umhvørvisvernd

Umhvørvisvernd

Við støðið í umhvørvisverndarlógini og havumhvørvisverndarlógini arbeiðir deildin Vernd við umhvørvismálum í breiðum høpi. Tú kanst lesa lógirnar her.

Endamálið er at verja umhvørvi móti dálking. Best er at fyribyrgja, men annars at minka mest møguliga um dálkingina.

Her kanst tú lesa meiri um arbeiðsøkini.

Á hesi síðu

Arbeiðsøkir

Umhvørvisvernd á landi

Umhvørvisvernd á sjónum

Góðkenningar og loyvir

Eftirlit

Luft og veðurlag

At klaga um umhvørvi

Er tú ónøgdur við umhvørvisviðurskifti, so skal tú klaga til kommununa ella Umhvørvisstovuna, alt eftir, hvør er umhvørvismyndugleiki. Út frá klaguni verður ein avgerð tikin, t.d. eini boð um at rudda upp ella eini forboð ímóti at brúka køst. Er avgerðin ikki tær til vildar, kann hon kærast.

Klagur til kommununa

Dømi um klagur, sum skulu sendast til kommununa:

kloakk (t.d. lukt, rottu, evju, skitnar áir/fjøra og smittuvanda)
bál (t.d. lukt og royk)
larm (t.d. frá vinnuligum virksemi, ferðslu ella grannum)
órudd og rusk (t.d. gomul akfør og burturkast)

Kommunan er umhvørvismyndugleiki á staðnum, og tað er tí har tú skal klaga.

Ofta er best at senda eina skrivliga klagu, har tú greiðir frá trupulleikanum. Um tit eru fleiri, sum hava ampa av sama trupulleika, so er skilagott at gera vart við tað.

Klagur til Umhvørvisstovuna

Kommunur hava ikki eftirlit við virkjum, sum Umhvørvisstovan hevur umhvørvisgóðkent, t.d. alifeløgum, brennistøðum, tyrvingarplássum o.a. Tá er Umhvørvisstovan eftirlitsmyndugleiki, og tú skal klaga til okkum.

Eisini ber til at klaga til Umhvørvisstovuna, um kommunan ikki loysir ein trupulleika, sum tú hevur klagað til kommununa um.

Umhvørvisstovan viðger tó einans klagur um kommunal viðurskifti, tá borgarin kann vísa á at hann sjálv/ur hevur roynt at gjørt kommununa varðuga við viðurskiftini, helst meira enn eina ferð, og bæði munnliga og skrivliga.

Klagur til Umhvørivsstovuna skulu helst vera skrivligar, og avrit av brævasamskiftinum við kommununa skal sendast saman við.

Um at kæra eina avgerð hjá Kommunustýrinum

Er tú ónøgd/ur við avgerð, sum kommunan hevur tikið um eitt umhvørvisverndmál, so ber til at kæra til Umhvørvisstovuna.

Kæran skal latast tí myndugleika, sum hevur tikið avgerðina, t.e. kommununi. Kommunan hevur skyldu til at vegleiða tær nærri um hvussu tú kanst kæra avgerðina.

Kommunustýrið skal síðani senda øll skjøl, sum hava týdning fyri viðgerðina av kæruni, til Umhvørvisstovuna.

Avgerðir, sum Umhvørvisstovan tekur, kunnu kærast til landsstýrisfólki við umhvørvismálum.

Um at kæra eina avgerð hjá Umhvørvisstovuni

Avgerðir, sum Umhvørvisstovan tekur, kunnu kærast til landsstýrisfólkið við umhvørvismálum. Til dømis treytir í eini umhvørvisgóðkenning ella eini boð um ikki at larma, dálka ella annað.

Kæran skal fyrst sendast til Umhvørvisstovuna, sum síðan sendir hana víðari til landsstýrisfólki við umhvørvismálum, saman við neyðugum skjølum.

Freistin fyri at kæra er fýra vikur frá tí degi, at avgerðin varð fráboðað ella varð almannakunngjørd.

Avgerðin, sum landsstýrisfólki tekur í kærumálinum er endalig, tvs. at hon ikki kann kærast til annan myndugleika.

Hvør hevur kærurætt?
Kærurætt hevur í fyrsta lagið tann, sum varðar av avgerðini, t.e. tann, sum fær boð ella forboð frá einum myndugleika. Tað kann eisini vera ein, sum søkir um eitthvørt, t.e. umhvørvisgóðkenning.

Kærurætt hava eisini tey, hvørs viðurskifti verða beinleiðis ávirkað av avgerðini, t.e. viðvíkjandi arbeiðs- og inntøkumøguleikum, í sambandi við bústað o.s.fr.

Dømi um skriv

Fyri at gera tað lættari hjá kommunum at fara rætt fram fyrisitingarliga t.d. tá borgari skal fáa ætlanarskriv ella fáa boð um eitthvørt, hava vit her savnað nøkur dømi um skriv, sum kommunur kunnu brúkast sum dømi ella sum fyrimynd.

Ætlanarskriv – Ampi av royki frá brenning í ovni

Tak niður

Ætlanarskriv – boð um at taka hús niður

Ætlanarskriv og skriv við boðum um at taka hús niðura_at_detta_aetlanarskriv_og_bod Tak niður

Ætlanarskriv – Bilvrak og annað órudd á ogn

Tak niður

Skriv um lívrunnið burturkast á ogn

Tak niður

Burturbeining av tøðum

Skriv við boðum um at gevast við at leiða tøð út í Tak niður