Luft og veðurlag
Luftin á okkara leiðum er vanliga rein og góð. Men luftin kann verða dálkað, t.d. orsakað av nógvari bilferðslu, ella keldum í øðrum londum, t.d. har kol enn verður brúkt sum brennievni.
Vakstrarhúsgass
Útlát av vakstarhúsgassi og veðurlagsbroytingar er ein av stóru alheims umhvørvistrupulleikunum. Keldur til útlát av vakstrarhúsgassi eru í stóran mun brenning av olju, koli og øðrum fossilum brennievnum. Øktu nøgdirnar av vakstrarhúsgassi í lofthavinum virka sum ein eyka ‘bjálving’ av jørðini, við tað, at tær halda aftur hita, sum annars hevði farið út í rúmdina. Halda vit á at økja um útláti av vakstrarhúsgassi, hækkar miðalhitin á jørðini og ymiskar broytingar í veðurlagum fara at merkjast.
Vit hava her savnað saman tilfar um veðurlagsbroytingar og útlát av vakstrarhúsgassi, fyri at lýsa hesi evni nærri og vísa á hvørji árin CO2 útlát hevur á umhvørvið.
CO2-roknarin
Endamálið við CO2 rokniamboðnum er at hjálpa føroyskum fyritøkum, stovnum og øðrum við at útrokna egið útlát av vakstrarhúsgassi. Nærri vegleiðing er í roknaranum (excel-fíluni).
Vegleiðingin var útgivin fystu ferð í februar 2024 og er nýggjasta útgávan ein dagføring av tí fyrstu .
Her ber til at taka niður CO2-roknarar fyri árini 2021-2025:
Tak CO2-roknaran fyri 2025 niður her NÝGGJUR!
Tak CO2-roknaran fyri 2024 niður her (útgáva 2024-3 06062025)
Gev gætur, at vegna feilir í CO2-roknaranum fyri 2024, eru rættingar gjørdar síðani fyrstu útgávuna, sum kom út 14. feb. 2025. Nýggjasta útgávan er dagfest 6. juni 2025.
Tak CO2-roknaran fyri 2023 niður her
Tak CO2-roknaran fyri 2022 niður her
Tak CO2-roknaran fyri 2021 niður her
G.G. Um CO2-roknarin ikki riggar sum hann skal, er orsøkin ofta, at ‘Office-pakkin’ skal dagførast.
Les tíðindi um CO2-roknaran:
