Marita er útlærd – pláss er til nýggjan næming
Útgivið: 19. juni 2020
Dagført: 19. juni 2020
Marita Müller var í dag liðug við lærutíð sína á Umhvørvisstovuni. Hon hevur nú eina skrivstovuútbúgving innan almenna fyrisiting. Uppgávurnar á Umhvørvisstovuni hava verið á deildini, har tinglýsing, landsfólkayvirlit og vápnaskráseting verða umsitin. Malene Egebjerg Jacobsen var lærumeistari. Marita heldur fram at arbeiða á deildini. Samstundis lýsir Umhvørvisstovan eftir nýggjum lærlingi til sama øki. Útbúgvingin tekur millum 2 og 3 ár, alt eftir hvørja skúlagongd ein hevur við sær. Meira um læruplássið sæst her.
