Jóhanna Olsen stjóri á Umhvørvisstovuni
John Johannesen, landsstýrismaður í heilsu- og innlendismálum, hevur gjørt av at seta Jóhonnu Olsen í starv sum stjóri á Umhvørvisstovuni
Útgivið: 7. juli 2011
Dagført: 7. juli 2011
Jóhanna Olsen er útbúgvin cand.scient í lívfrøði. Harumframt hevur hon tikið masterútbúgving í umhvørvismeting við høvuðsritgerð um lendisplanlegging í Føroyum.
Jóhanna Olsen hevur drúgvar fyrisitingarligar royndir. Seinastu 4 árini hevur hon verið deildarleiðari á Umhvørvisstovuni. Áðrenn hetta starvaðist hon í 8 ár á Heilsufrøðiligu starvsstovuni sum umhvørvisviðgeri og deildarleiðari.
Jóhanna Olsen byrjar í starvinum 1. august 2011.
