Umhvørvisgóðkenning av høll til goymslu av kálki og roykburturkasti
Goymsluhøllin í Hvalvík verður nýtt sum millumstøð, har roykburturkastið verður goymt til tað verður avskipað, og innkeypt kálk liggur á goymslu til tað verður brúkt í nýggju roykreinsiskipanunum hjá báðum brennistøðunum.
Tað er serliga í sambandi við roykburturkastið, av tí at tað er vandamikið burturkast, at treytir eru settar í umhvørvisgóðkenningina. Árligu nøgdirnar av roykburturkasti verða um 500 tons frá hvørjari brennistøð, ella á leið 1000 tons íalt. Roykburturkasti verður útflutt til eina góðkenda endaviðgerð í Norra. Roykburturkast er samansett av flogøsku, kálki og aktivum koli.
Kæruvegleiðing
Góðkenningin kann kærast til landsstýrismannin í umhvørvismálum (Innlendismálaráðið). Kærufreistin er fýra vikur frá tí at góðkenningin er almannakunngjørd.
Umhvørvisgóðkenningin sæst her
Nærri fæst at vita
við at ringja til Umhvørvisstovuna, tlf. 342400, spyr eftir Eyð Eidesgaard, ella send okkum ein teldupost us@us.fo.
Les meira um umhvørvisgóðkenningar her
