Umhvørvisgóðkenning – aling við Skansabryggju
Umhvørvisstovan hevur umhvørvisgóðkent alivirksemi hjá Bakkafrost við Skansabryggju í Havn, tó einans fram til 1. sept. 2011.
Umhvørvisstovan hevur hin 16. mars 2011 givið P/F Bakkafrost umhvørvisgóðkenning av alivirkseminum við Skansabryggju í Tórshavn.
Treytirnar til virksemið eru tær somu, sum eru galdandi fyri alingina, sum P/F Bakkafrost hevur á Gulanum – t.e. fram við Argjalandið.
Umhvørvisgóðkenningin av virkseminum við Skansabryggju er tíðaravmarkað til 1. sept. 2011.
Umhvørvisgóðkenningin kann lesast her
Almenna lýsingin av góðkenningini er her
Les um umhvørvisgóðkenningar og umhvørvisgóðkend virki her.
Góðkenningin kann kærast
Tey, ið hava kærurætt, kunnu kæra góðkenningina til Innlendismálaráðið.
Kærurætt hava tey, sum avgerðin hevur ein týðandi persónligan týdning fyri. Les meira um at kæra her.
Møgulig kæra skal sendast til Umhvørvisstovuna, Traðagøta 38, 160 Argir, í seinasta lagi hósdagin 14. apríl 2011.
Nærri fæst at vita við at ringja til Lenu Ziskason, umhvørvisviðgera á Umhvørvisstovuni, tlf. 342400, ella við at senda okkum ein teldupost us@us.fo
