Umhvørvisárinsmeting av vatnorkuverki í Fámjin í hoyring
Á tarastøðini í Fámjin, ið áður varð nýtt til smoltaling, ætlar Spf Tari at seta eina minni vatnmyllu upp, sum í mesta lagi kann framleiða 50 kW.
Í tí sambandi hevur Spf Tari gjørt eina meting av møguligum árinum á umhvørvið, sambært § 16 í løgtingslóg nr. 59 frá 7. juni 2007 um framleiðslu, flutning og veiting av ravmagni við seinni broyting.
Hoyringartilfarið er grundað á, at vatnið til mylluna verður tikið úr Kirkjuvatni og leitt gjøgnum eina verandi leiðing oman til vatnmylluna.
Áðrenn árinsmetingin verður viðgjørd, skulu viðkomandi myndugleikar, stovnar, áhugafeløg og almenningur hoyrast.
Umhvørvisárinsmetingin kann síggjast her.
Hoyringarfreistin er 5 vikur.
Møgulig hoyringarsvar skulu í seinasta lagi mikudagin 5. juni 2024 sendast til:
Umhvørvisstovan, Traðagøta 38, FO-160 Argir ella til us@us.fo.
