Skrivstovunæmingur avlærdur
Útgivið: 14. februar 2017
Dagført: 14. februar 2017
Elisabeth Petersen varð í gjár avlærd sum skrivstovufólk innan almenna fyrisiting. Lærutíðin er farin fram á tinglýsingini og landsfólkayvirlitinum, sum eru partar av virkisøkinum á Umhvørvisstovuni.
Elisabeth stóð høvðusuppgávuna við hægsta karakteri. Hon er frá í dag at rokna sett í fast starv sum skrivstovufólk á tinglýsingini og landsfólkayvirlitinum.
Umhvørvisstovan ynskir Elisabeth Petersen hjartaliga til lukku við útbúgvingini og nýggja starvinum.
