Skeið í svimjihylstøkni
Í hesum døgum skipar Umhvørvisstovan fyri skeiði í svimjihylstøkni og røkt. Tríggir serfrøðingar frá Teknologisk Institutt í Danmark undirvísa á skeiðnum, og hava teir hildið hetta skeiðið í Føroyum fyrr.
Skeiðið er ætlað teimum, sum varða av svimjihyljum, hitapottum o.ø. sum eru opin fyri almenninginum.
Á skeiðnum fáa luttakararnir holla vitan um krøvini til baðivatnsgóðsku, innaneftirlit, nýtslu og goymslu av kemikalium og mangt annað. Tað hevur alstóran týdning, at starvsfólk, sum hava ábyrgd fyri svimjihyljum, hava neyðugar førleikar at kunna røkja tekniska útbúnaðin og tryggja vatngóðskuna.
Stórur áhugi er fyri skeiðnum, sum er fullteknað.
Umhvørvisstovan fegnast um góðu luttøkuna.
Hevur tú spurningar um ymiskt viðvíkjandi skeiðnum, ert tú vælkomin at seta teg í samband við Rakul Mortensen
Rakul Mortensen
Umhvørvismál
