Pantupphæddirnar broyttar
Kunngerðin um íløt, úrdráttir og pant er broytt, og nú eru pantupphæddirnar fyri endurfyllingaríløt og einnýtisíløt tær somu
Útgivið: 24. mai 2011
Dagført: 24. mai 2011
Upphæddirnar eru 2 krónur fyri øll íløt, sum rúma ein hálvan litur ella minni, meðan pantupphæddin fyri íløt, ið rúma meira enn ein hálvan litur er 4 krónur.
Orsøkin til, at pantupphæddin er broytt, er at gera tað einfaldari bæði hjá loyvishavarum, ið umsita pantið, og hjá brúkaranum, ið keypir drykkir í íløtum.
Kunngerðin er lýst í kunngerðablaðnum í dag, og koma nýggju pantupphæddirnar í gildi í morgin.
Nærri fæst at vita við at ringja til Jóhannu Olsen, deildarleiðara á Umhvørvisstovuni, tlf. 342400/232442, ella við at senda okkum ein teldupost us@us.fo
