Nú skal CO2-hetjan finnast
Í samband við CO2 átak hjá Umhvørvisstovuni og Innlendismálaráðnum hevur kapping verið útskrivað um at gera CO2-manna filmar
6 filmar liggja á co2.fo, og skal fólkið avgera hvør filmur er bestur. Besti filmurin fær vinningar frá City.
Á co2.fo ber til at hyggja eftir innkomnu filmunum, sum allir snúgva seg um CO2-mannin, og hansara herferð móti CO2-útlátinum. Innkomnu filmarnir lýsa á skapandi hátt, hvussu vit í gerandisdegnum kunnu minkað um okkara CO2-útlát.
Frá í dag og til og við 30. oktober ber til at atkvøða um besta filmin. Síðan verður kunngjørt hvør vinnarin er, og Landsstýriskvinnan í Innlendismálum handar hepna og dugnaliga vinnarunum vinningarnar.
Far inn á co2.fo og atkvøð. Tú eigur avgerðina.
Nærri fæst at vita við at ringja til Jóhann Lützen, kunningarsamskipara á Umhvørvisstovuni, tlf. nr. 34 24 00, ella við at senda okkum ein teldupost JohannL@us.fo
