Jarnmóttøka fingið góðkenning
Jarnmóttøkan hjá Tórshavnar kommunu á Sandvíkarhjalla fingið umhvørvisgóðkenning
Í umhvørvisgóðkenningini er serligur dentur lagdur á, at umhvørvisdálkandi evni ikki verða leidd út í umhvørvi, dálkingaravmarkandi tiltøk um óhapp henda, at økja um endurnýtslu og at innaneftirlit, umhvørvisstýriskipan og skrásetingar eru sambært viðurkendum skipanum.
Virksemi, sum fer fram á Jarnmóttøkuni, er umhvørvisviðgerð av bilvrakum, skiljing sundurkuting og samantrýsting av metali og bilvrakum, goymsla av metali, dekkum og avtappaðum veskum frá umhvørvisviðgerðini av bilvrakum. Harafturat verður vaskipláss til bilar hjá Kommunalu Brennistøðini, parkeringspláss og bilhús til renovatiónsbilar.
Roknað verður við at taka ímóti umleið 5000 tonsum av jarni og øðrum metalum um árið, herav eini 1000 smærri bilar og 25 størri bilar. Roknað verður við at taka ímóti umleið 300 tonsum av bildekkum um árið. Av vandamiklum burturkasti verður árliga roknað við 10 – 15 tonsum av akkumulatorum, 4 – 5000 litrum av spillolju, umleið 1000 oljufiltrum, 2 – 3000 litrum av frostvesku, 1000 litrum av sprinklaravesku, 0,5 kg av kyksilvurkontaktum og umleið 10 kg av bremsiklossum.
Umhvørvisgóðkenningin setir treytir til goymsluna av hesum evnum og tilfari fyri at tryggja, at onki fer út í umhvørvið, eins og treytir eru settar til undirlagið á økinum og til reinsing og kanning av frárensluvatni frá økinum.
Umhvørvisgóðkenningin sæst her
Les meira um umhvørvisgóðkenningar her
Kæruvegleiðing
Góðkenningin kann kærast til landsstýrismannin við umhvørvismálum (Løgmálaráðið). Kærufreistin er fýra vikur frá tí at góðkenningin er almannakunngjørd.
Nærri fæst at vita við at ringja til Umhvørvisstovuna, tlf. 342400, ella Eyð Eidesgaard, tlf. 342440, ella við at senda okkum ein teldupost us@us.fo.
