Freistin at senda spillivatnsætlan til góðkenningar er 1. januar 2011
Í løtuni eru nógvar kommunur og ráðgevandi fyritøkur, ið arbeiða av øllum alvi við at leggja síðstu hond á arbeiðið at gera spillivatnsætlan, sum skal latast Umhvørvisstovuni til góðkenningar. Freistin at senda spillivatnsætlanina til Umhvørvisstovuna er 1. januar 2011.
Tað eru longu nakrar kommunur, ið hava sent spillivatnsætlan til góðkenningar hjá Umhvørvisstovuni, og miðað verður eftir, at kommunurnar fyrst í komandi ári fáa svar um ætlanin kann góðkennast.
Spillivatnsætlanin skal lýsa, hvussu kommunan komandi fýra árini fer at skipa arbeiðið at leiða spillivatnið burtur, so ásetingarnar í spillivatnskunngerðini verða hildnar. Sambært spillivatnskunngerðini skulu allar verandi útleiðingar verða leiddar á sjógv við góðum vatnskifti í seinasta lagi 1. januar 2015.
Les meira um spillivatn og spillivatnsætlanir á okkara evnissíðu um spillivatn
Nærri fæst at vita við at ringja til Jóhonnu Olsen, deildarleiðara á Umhvørvisstovuni, tlf. 342400, ella við at senda okkum ein teldupost us@us.fo
