Fjallasúkklukapping í Viðarlundini
Viðarlundin í Gundadali verður karmur um fjallasúkklukapping leygardagin 17. oktober
Tórshavnar súkklufelag hevur søkt um, og fingið loyvi, at skipa fyri eini fjallasúkklukapping í Viðarlundini í Gundadali.
Kappingin verður bæði fyri børn og vaksin. Økið, sum kappast verður á, er víst á kortinum omanfyri.
Í hesum sambandi er viðarlundin tí ikki opin fyri vanligari vitjan leygardagin 17. oktober í tíðarskeiðinum millum kl. 11 og 16.
Tó eru fólk hjartaliga vælkomin at fylgja við kappingini, treytað av, at gjørt verður eftir teimum leiðbeiningum, ið fyriskipararnir veita á staðnum.
Tað er serliga týdningarmikið, at allar trygdarásetingar frá fyriskiparunum verða fylgdar væl og virðiliga.
Tað er Høgni Rúnason Øster, ið skipar fyri kappingini. Høgni kann røkkast á tlf.: 21 12 31/55 60 92 ella á all@fimleikur.com
Nærri kunning fæst við at venda sær til Trónd Leivsson, landsskógarvørð á Umhvørvisstovuni, tlf. 210966 ella TrondurL@us.fo.
