Elverkið hjá SEV í Vági fingið dagførda umhvørvisgóðkenning

Umhvørvisstovan hevur hin 16. november 2015 veitt elverkinum hjá SEV í Vági dagførda umhvørvisgóðkenning.

Útgivið: 19. november 2015 Dagført: 19. november 2015

Elverkið í Vági fekk umhvørvisgóðkenning í juli 2012, men í 2014 avgjørdi SEV at útbyggja verkið munandi. Hin 11. juli 2014 fekk Umhvørvisstovan umsókn um umhvørvisgóðkenning til hesa útbygging.

Ætlanin er at seta ein 10.000 kW motor við roykreinsiskipan upp afturat verandi motorum, veksa transformatorstøðina, gera nýtt dagtangahús og aðrar broytingar. Roykreinsiskipanin minkar um útlátið av køvievnitvíiltu frá motorinum. Av tí, at so stutt tíð er ímillum góðkenningarnar, varð avtalað, at góðkenning frá 2012 varð endurskoðað og nýggjar treytir, sum hava samband við útbyggingina, settar inn í góðkenningina.

Nýggju treytirnar fevna sostatt um nýggja motorin M4 við reinsiskipan – rakstur og útlát, nýggja koblings- og transformatorstøð, nýtt dagtangahús og at víðka tangagarðin kring oljugoymslurnar vestan fyri verkið.

Í málsviðgerðini er serligur dentur lagdur á at fyribyrgja og avmarka dálking av luft, og at fyribyrgja heilsuskaðar og ampar av royki. Harafturat er dentur lagdur á, at vandin fyri óhappum, sum kunnu hava dálking við sær, skal minkast mest møguligt, umframt at útgerð og mannagongdir til at fyribyrgja dálkandi óhappum skulu verða tøk.

Góðkenningin

Almenna lýsingin

Les meira um umhvørvisgóðkenningar og umhvørvisgóðkend virki

Góðkenningin kann kærast 

Tey, ið hava kærurætt, kunnu kæra umhvørvisgóðkenningina til landsstýriskvinnuna í umhvørvismálum.  

Kærurætt hava tey, sum avgerðin hevur ein serstakan, beinleiðis og persónliga týdning fyri. Les meira um at kæra her.

Møgulig kæra skal sendast til Umhvørvisstovuna, Traðagøta 38, 160 Argir, í seinasta lagi fríggjadagin 18. desember 2015.

Um tú vil hava meira at vita, ert tú vælkomin at seta teg í samband við Ingvard Fjallstein, telefon 342400 ella us@us.fo

{{item.title}} {{kunngerdirCount}}

{{levelTitles[menuLevelIndex]}}

{{levelTitles[menuLevelIndex]}}

{{result.title}}

Elverkið hjá SEV í Vági fingið dagførda umhvørvisgóðkenning

Aðrar greinar

Útbyggingin av Svimjihøllini í Gundadali góðkend

Umhvørvisgóðkenning til Sp/f Eldjarn á Skála til at handfara og goyma jarn og metal

Umhvørvisgóðkenning fyri virksemi hjá Sp/f Eldjarn á Skála

{{item.title}} {{kunngerdirCount}}

{{activeMenu?.title}}

{{levelTitles[menuLevelIndex]}}

{{levelTitles[menuLevelIndex]}}

{{result.title}}

Elverkið hjá SEV í Vági fingið dagførda umhvørvisgóðkenning

Aðrar greinar

Útbyggingin av Svimjihøllini í Gundadali góðkend

Umhvørvisgóðkenning til Sp/f Eldjarn á Skála til at handfara og goyma jarn og metal

Umhvørvisgóðkenning fyri virksemi hjá Sp/f Eldjarn á Skála

Melda til tíðindabræv