Eigaraíbúðir undir Kongavarða
Fyrr í vikuni varð sundurbýti góðkent av teimum fyrstu íbúðarhúsunum hjá P/F Valbjørn Dalsgarð undir Kongavarða. Talan er um íalt 22 eigaraíbúðir
Økið undir 1. byggistigi í verkætlanin undir Kongavarða varð frámatrikulerað í juli 2009, og tá vórðu eisini 32 raðhús býtt frá sum sjálvstøðugir eigindómar eftir matrikullógini (Ll 64/1962). Í dag eru 24 av hesum bygd.
Nú eru so fyrstu íbúðarhúsini – tey bæði eystastu – býttir sundur í sjálvstøðugar íbúðir smb. løgtingslóg um eigaraíbúðir (Ll 11/1970).
Tær 22 íbúðirnar eru frá 45 m2 og upp í 128 m2 til víddar og aftur at hesum eru goymslurúm og felagsøki.
Eftir ætlan verða 33 íbúðir í trimum bygningum frábýttar fyrst í 2010.
Nærri fæst at vita við at ringja til Petur Nielsen, deildarleiðara á Umhvørvisstovuni, á tlf 342400 ella umvegis teldupost peturn@us.fo.
