Alsamt fleiri einnýtisíløt vera latin inn og endurvunnin
Í 2014 komu 87 % av øllum seldum einnýtisíløtum komu inn aftur.
Síðani 2007, tá fyrstu lovini vórðu latin til at innflyta, framleiða og selja drykkir í einnýtisíløtum, hevur Umhvørvisstovan gjørt upp, hvussu nógv av seldu íløtunum verða latin inn aftur og send til endurvinningar.
Talið av seldum einnýtisíløtum økist ár undan ári, og í 2014 vórðu heili 9,3 mió. einnýtisíløt seld. Hetta er ein hækking upp á næstan 26 % í mun til 2013, tá 7,4 mió. íløt vórðu seld.
Hóast næstan 2 mió. fleiri einnýtisíløt vórðu seld í 2014, og talið er økt munandi á hvørjum ári, hevur tað ikki havt eina neiliga ávirkan á, hvussu stórur partur er latin inn aftur. Tvørtur ímóti er parturin, sum er latin til endurvinningar eisini øktur á næstan hvørjum ári.
| Ár | % latið til endurvinningar |
| 2007 | 33 % |
| 2008 | 53% |
| 2009 | 67 % |
| 2010 | 70 % |
| 2011 | 80 % |
| 2012 | 78 % |
| 2013 | 83 % |
| 2014 | 87 % |
Alt bendir á, at tað, at lata tómu íløtini inn aftur, er við at gerst natúrligt partur hjá flestu brúkarum.
Við at endurvinna tilfarið í einnýtisíløtum, verður nøgdin av burturkasti minni, samstundis sum at rávøru- og orkunýtslan verður minni eins og útlátið av CO2.
Les meira um rutur-% í ársuppgerðini fyri 2014.
Um tú vil hava meira at vita, ert tú vælkomin at seta teg í samband við Heidi Mortensen, telefon 342400 ella us@us.fo
