Útbygging av vatnorkuverkum í Vestmanna
Í sambandi við at Elfelagið SEV ætlar at byggja eina pumpu- og framleiðsluskipan ímillum byrgingina í Heygadali og byrgingina uppi á Mýrunum í Vestmanna hevur felagið gjørt eina meting av, hvørji árin ætlanin kann ætlast at fáa á umhvørvið sambært §16 í elveitingarlógini.
Umhvørvisárinsmetingin er almenn. Viðkomandi almenningur, áhugafeløg og myndugleikar hava møguleika at koma við viðmerkingum til umhvørvisárinsmetingina.
Hoyringsfreistin er 4 vikur. Møgulig hoyringssvar skulu í seinasta lagi mánadagin 11. apríl 2022 sendast til:
Umhvørvisstovan, Traðagøta 38, FO-160 Argir ella til us@us.fo.
Umhvørvisárinsmeting liggur her (niðast á síðuni)
Um tú hevur spurningar ella viðmerkingar ert tú vælkomin at ringja til Umhvørvisstovuna, telefon 342400, ella at senda okkum ein teldupost us@us.fo
