Umhvørvisstovan á Vísindavøku 2024
Útgivið: 26. september 2024
Dagført: 26. september 2024
Í morgin, fríggjadagin, verður ársins Vísindavøka í Sjóvinnuhúsinum, og Umhvørvisstovan luttekur sjálvandi aftur í ár! Kom framvið og lær meira um fjølbroytta fuglalívið í Føroyum. Umhvørvisstovan hevur bás á Svalanum, har tú kanst royna teg í okkara fuglaeyðkenniskapping.
Klokkan 13.00 hevur Sjúrður Hammer framløgu í Kongshøll um skúgvin í Føroyum.
Harumframt verða ein røð av øðrum básum og framløgum frá granskarum og granskingarstovnum í Føroyum.
Vísindavøkan verður í Sjóvinnuhúsinum í Havn fríggjadagin 27. september kl. 8.30 og varir til á leið kl. 16.30.
Skránna sært tú her.
Øll tiltøkini er almenn og ókeypis.
