Umhvørvisárinsmeting av biogassverki
Lýsing av umhvørvisárinsmeting
Í sambandi við, at P/F Føroysk Náttúruorka ætlar at byggja eitt biogassverk við ravmagnsframleiðslu, hevur felagið gjørt eina meting av, hvørji árin ætlanin kann ætlast at fáa á umhvørvið sambært §16 í Løgtingslóg um framleiðslu, flutning og veiting av ravmagni, við seinni broytingum.
Umhvørvisárinsmetingin er almenn. Viðkomandi almenningur, áhugafeløg og myndugleikar hava møguleika at koma við viðmerkingum til umhvørvisárinsmetingina.
Hoyringarfreistin er 3 vikur. Møgulig hoyringarsvar skulu vera Umhvørvisstovuni í hendi í seinasta lagi mikudagin 28. februar 2019, og sendast til:
- Umhvørvisstovan, Traðagøta 38, FO-160 Argir ella til us@us.fo.
Umhvørvisárinsmetingin sæst her
Vil tú vita nærri ber til at venda sær til Ingvard Fjallstein, á tlf. 342400 ella senda ein t-post á us@us.fo
