Tvey nýggj føroyakort eru nú tøk á foroyakort.fo
Útgivið: 4. november 2022
Dagført: 4. november 2022
Umhvørvisstovan hevur gjørt tvey nýggj teldutøk føroyakort í lutføllunum 1:500.000 og 1:100.000, sum kunnu heintast á foroyakort.fo.
Kortið í lutfallinum 1:500.000 er eitt yvirlitskort, sum vísir býir, bygdir og landsvegir og er egnað at prenta í A4 stødd. Kortið kann takast niður her.
Yvirlitskort 1:500.000
Kortið í lutfallinum 1:100.000 er eitt veggjakort og kann takast niður her. Hetta kortið er ment saman við Námi og Trap Danmark og tað ber eisini til at keypa pappírútgávuna á Bókamiðsøluni.
Trap Danmark er í holt við at útgeva eitt stórt bókaverk um Føroyar. Kortið verður við í bókini sum uppískoyti.
Av tí at hetta er fyrsta føroyakortið í lutfallinum 1:100.000 aftaná yvirtøkuna av kortmyndugleikanum, er útgávuheitið 1.0.
© 2024 Umhvorvisstovan 