Sveimandi drekar til elframleiðslu í Vestmannasundi
Hoyring av umhvørvisárinsmeting
Elfelagið SEV ætlar at seta tveir sveimandi drekar til elframleiðslu út í Vestmannasund. Eindirnar gagnnýta sjóvarfallið og kunnu framleiða upp til 0,1 MW hvør. Í hesum sambandi hevur felagið latið gera eina meting av, hvørji árin ætlanin kann ætlast at fáa á umhvørvið.
Umhvørvisárinsmetingin er almenn og sæst her á heimasíðu okkara (niðast á síðuni).
Viðkomandi almenningur, áhugafeløg og myndugleikar hava møguleika at koma við viðmerkingum til umhvørvisárinsmetingina.
Hoyringsfreistin er 4 vikur. Møgulig hoyringarsvar skulu í seinasta lagi mikudagin 22. februar 2020 sendast til:
Umhvørvisstovan, Traðagøta 38, FO-160 Argir ella til us@us.fo.
Um tú hevur spurningar ella viðmerkingar ert tú vælkomin at ringja til Umhvørvisstovuna, telefon 342400, ella at senda okkum ein teldupost us@us.fo
