Hjálparfólk til Skógrøkt
Umhvørvisstovan søkir eftir hjálparfólki til Skógrøkt.
Skógrøkt varðar av skógfriðaðu økjunum í Føroyum, alir og selur plantu- og viðarvøkstur á Gróðurstøðini í Miðhoydølum.
Arbeiðsuppgávurnar eru at hjálpa til við ymisku uppgávunum á Skógrøkt, millum annað:
- at framleiða plantur
- at vatna trø og plantur
- at vegleiða og avgreiða kundar í plantusøluni
- at fríðka um og viðlíkahalda søluøkið og økið sum heild
- at seta vøru fram í sølubúðini
- at skráseta plantur í kassaskipanini
- at prísmerkja
- at luttaka í vøruteljing
Harafturat kemur tú at loysa ymiskar fyrifallandi uppgávur eftir tørvi.
Førleikar
Vit vænta, at tú
- ert ábygdarfull/ur
- ert fyrikomandi og tænastusinnað/ur
- hevur áhuga fyri plantu- og viðarvøkstri
- ert væl skipað/ur og dugir væl at leggja arbeiði til rættis
- dugir væl at samstarva og at samskifta við onnur
Tað er ein fyrimunur, um tú hevur royndir við handverksligum arbeiði av ymiskum slag.
Setan
Starvið eru fulltíðarstarv ella sambært avtalu. Starvsbyrjan er skjótast gjørligt. Løn og setanartreytir eru sambært sáttmála millum Fíggjarmálaráðið og Starvsfelagið.
Umsóknarfreist er 21. september 2025.
Nærri kunning um starvið fæst við at venda sær til Jónu Lisberg jonakl@us.fo, tlf. 234305.
Til ber at søkja starvið her.
Um Umhvørvisstovuna
Umhvørvisstovan er stovnur undir Umhvørvismálaráðnum, og fevnir stovnurin um virkisøkini náttúru-og umhvørvisvernd, umhvørvisgransking, orkumál og elveitingareftirlit, viðarlundir og frílendi, land- og sjókort, matrikul, tinglýsing og landsfólkayvirlit. Umhvørvisstovan leggur seg eftir at skipa arbeiðið, soleiðis at starvsfólk hava javnvág millum arbeiðslív og privatlív. Umhvørvisstovan er á Traðagøtu 38 á Argjum. Umhvørvisstovan eggjar øllum skikkaðum umsøkjarum, uttan mun til persónligar umstøður, at søkja starvið.
Tú kanst lesa meira um Umhvørvisstovuna her.
