Samstarvssáttmáli undirskrivaður
Kortstjórafundurin endaði við endurnýggjaðari norðurlendskari avtalu um samstarv innan kort-, geodata- og eigindómsøkið

Sáttmálin fevnir um samstarv á kort-, geodata, tinglýsing og matrikkuløkinum. Sáttmálin varð fyrstu ferð gjørdur 14. Mai 1992 í Føroyum, og altso síðst endurskoðaður í vikuni. Til stuttleikar hevur Umhvørvisstovan leitað fram myndina tá Kortstjórarnir skrivaðu undir uppruna sáttmálan í 1992.
Samstarvsfelagarnir eru Kort- og Matrikelstyrelsen úr Danmark, Mannmittauslaitos Geodettinen Laitos úr Finlandi, Landsplanafdelingen úr Grønlandi, Landmælingar Íslands og þjóðskrá Íslands, Statens Kartverk úr Noregi, Landmäteriet úr Svøríki og Umhvørvisstovan úr Føroyum.
Á stóru myndini síggjast sitandi frá vinstru: Jesper Jarmbæk, Generaldirektør fyri Kort & Matrikelstyrelsen, Jarmo Ratia, Generaldirektør fyri Maanmittauslaitos, Stig Jønsson, Generaldirektør fyri Landmäteriet. Standandi frá vinstru: Klaus Georg Hansen, Afdelingschef fyri Landsplanafdelingen, Anne Chatrine Frøstrup, Generaldirektør fyri Statens kartverk, Jákup Pauli Joensen, stjóri á Umhvørvisstovuni, Magnus Guðmundsson, General Director fyri Landmælingar Íslands og Margrét Hauksdóttir, Vicedirektør fyri þjóðskrá Íslands.
Um tú vil hava meira at vita, ert tú vælkomin at seta teg í samband við Stein Fossá, deildarleiðara á Umhvørvisstovuni, telefon 342400 ella steinf@us.fo.