Nýtt gøtunavn í Klaksvík
Umhvørvisstovan hevur góðkent og skrásett gøtunavnið ”á Grønabóli” í Klaksvík
Útgivið: 2. februar 2011
Dagført: 2. februar 2011
Sambært adressulógini §7 stk.2, skulu tillutaðar adressur góðkennast av Umhvørvisstovuni.
Føroysku kommunurnar eru adressumyndugleiki og áseta gøtunøvn. Hesi skulu góðkennast av Umhvørvisstovuni. Síðani 26. mai 2009 hava allar kommunur í Føroyum havt adressur. Nýggj vegastrekkir leggjast við tíðini til og hesi skulu, sum nevnt, góðkennast av Umhvørvisstovuni.
Umhvørvisstovan hevur góðkent og skrásett nýggja adressu á Grønabóli í Klaksvík. 5 húsanr. eru knýtt at vegnum.
Um tú vil hava meira at vita, ert tú vælkomin at seta teg í samband við Stein Fossá, deildarleiðara á Umhvørvisstovuni, telefon 342400 ella steinf@us.fo.
