Nýggjur stuðulsgrunnur til verkætlanir hjá ungum í Norðurlondum

Ung í aldrinum 15-30 ár hava nú møguleika at søkja um fígging til verkætlanir í Norðurlondum, sum taka støði í umhvørvis- og lívmargfeldisspurningum og styrkja sambandið millum ung tvørturum Norðurlond. Freistin at søkja er 27. oktobur 2024.
Grunnurin, ið ber navnið ’Nordisk Ungdomspulje for Biodiversitet og Klima’, er úrslit av samstarvi millum Norðurlandaráðið, Norðurlendska Ráðharraráðið og DUF. Tað er DUF, sum umsitur grunnin.
Ætlanin við grunninum er at veita fjølbroyttum virksemi fíggjarligan stuðul, sum norðurlendskur ungdómur hevur tikið stig til. Tað veri seg upplýsandi átøk, kanningarferðir í náttúruni, námskeið, menning av veðurlagspolitikki og mangt annað.
Fyri at søkja um stuðul, krevst, at umsøkjarar eru millum 15 og 30 ár og eru úr einum norðurlendskum landi (t.e. Føroyum, Danmark, Grønlandi, Íslandi, Finnlandi, Noregi, Svøríki ella Álandi).
Latið varð upp fyri umsóknum 2. septembur 2024. Umsóknarfreistin er 27. oktobur 2024.
Her kanst tú lesa meira um nýggja grunnin, og hvussu tú søkir: Bred politisk aftale bakker op om unges bidrag i kampen mod biodiversitetskrisen og klimaforandringerne (norden.org)