Mikrovatnorkuverk í Svínoy
Hoyring av umhvørvisárinsmeting
Sp/F Tróndarstova í Svínoy ætlar at byggja eitt Aquaponics vakstrarhús, har orkan skal koma frá vatni.
Orkan skal koma frá einari 33 kW vatnturbinu, sum skal taka part av vatninum úr tveimum áum.
Í hesum sambandi hevur felagið latið gera eina meting av, hvørji árin ætlanin kann ætlast at fáa á umhvørvið.
Árinsmetingin er almenn og sæst her á heimasíðu okkara (niðast á síðuni).
Viðkomandi almenningur, áhugafeløg og myndugleikar hava møguleika at koma við viðmerkingum til umhvørvisárinsmetingina.
Hoyringsfreistin er 4 vikur. Møgulig hoyringarsvar skulu í seinasta lagi fríggjadagin 20. mars 2020 sendast til:
Umhvørvisstovan, Traðagøta 38, FO-160 Argir ella til us@us.fo
Um tú hevur spurningar ella viðmerkingar ert tú vælkomin at ringja til Umhvørvisstovuna, telefon 342400, ella at senda okkum ein teldupost us@us.fo
