Í Føroyum búgva nú 2,9 fólk í hvørjum húski

Nú eitt nýtt landsfólkayvirlit er tikið í brúk og øll fólk hava fingið adressur, ber fyri fyrstu fer til at síggja hvussu nógv húski eru í landinum og hvussu nógv búgva í hvørjum húski

Útgivið: 3. februar 2012     Dagført: 3. februar 2012

Deil

Deil

Umleið 16.500 húski eru í Føroyum og í meðal búgva 2,9 fólk í hvørjum húski. Hetta talið er væl størri enn í Danmark og Norra, har tað í meðal bert búgva 2 fólk í hvørjum húski.

Á heimasíðuni ber til at síggja talið av fólki og húskjum á teimum einstøku plássunum í Føroyum.

Topplistin, har tað eru flest fólk/húski sæst her: 

Flestu av bygdunum eru smáar, men 2 størri bygdir eru tó við á listanum nevniliga Æðuvík og Nes í Eysturoynni. Her búgva í meðal ávikavist 3,9 og 3,6 fólk í hvørjum húski.

Í hinum endanum av listanum, har minst er av fólki í hvørjum húsi, eru bert smáar bygdir: 

  
Í bygdunum Nesvík, Múla, Depli og Koltri býr bert eitt fólk í hvørjum húsi.

Um tey størstu plássini í landinum verða samanborin, sær listin soleiðis út:

Her sæst, at nógv fólk eru í hvørjum húski í nýggju búøkjunum Hoyvík, Argjum og Saltangará, meðan færri fólk eru í hvørjum húsi á eitt nú Tvøroyri.

Havast skal í huga, at bert hús, har fólk búgva í, eru við í yvirlitinum. Tóm hús eru sostatt ikki við í uppteljingini.

Til tess at fáa eina heildarmynd av øllum landinum, hevur Umhvørvisstovan gjørt eitt føroyakort, sum lýsir støðuna. Kortið, sum sæst niðanfyri, kann heintast sum pdf her á heimasíðuni.

Viðmerkjast kann, at kortið er gjørt við ókeypis forritinum Quantum GIS, sum fæst her: www.qgis.org.

Um tú vil hava meira at vita, ert tú vælkomin at seta teg í samband við Stein Fossá, deildarleiðara á Umhvørvisstovuni, telefon 342400 ella steinf@us.fo.