Høvuðsuppgávan hjá deildini fyri Land- og sjókort er at savna og deila staðsettar dátur, sum fevna um land og sjóøkið kring Føroyar, umframt at framleiða land- og sjókort sum varandi myndugleiki á økinum. Hesar dátur eru fjølbroyttar, men hava tað til felags, at tær hava rót í staðsetingarfrøðini.
Nógvar dátur verða innsavnaðar, og hetta gevur góðar møguleikar fyri granskingarverkætlanum.
Rádátur sum verða innsavnaðar á Land- og sjókort deildini:
- Umhvørvisstovan rekur fýra GNSS-basustøðir kring landið sum savna GNSS-dátur alla tíðina: Tórshavn, Vestmanna, Klaksvík og Tvøroyri. Dátur frá støðini í Tórshavn verða goymdar hjá KDS í Danmark, hjá Statens Kartverk í Noregi og hjá EUREF.eu. Dátur frá hinum trimum basustøðunum vera goymdar hjá KDS.
- Dronudáta: verður innsavnað árliga kring Føroyar, serliga er fokus á bygdir, har nógvar broytingar eru. Miðað verður ímóti, at bygdir og býir verða avmyndaðar 3. hvørt ár. Umframt eitt vanligt talgilt kamera hava vit eisini eitt multispektralt kamera, ið kann nýtast í dronuni.
- Skráseting av fixpunktum og passpunktum
- Dýpdardáta: Vit innsavna dýpdardáta við Jákup Sverra í tann mun, tað ber til. Eisini fáa vit aðrar dýpdardátur sum eru innsavnaðar í Føroyum, hesar kunnu tó bert brúkast til sjókort, um ikki onnur avtala verður gjørd.
Úr rádátunum verður nógv annað tilfar framleitt so sum kort við ymiskum tema. Eisini verða upplýsingar knýttar at ymiskum støðum t.d. byggisamtyktir, kommunur, bygningar osfr. Niðan fyri eru dømir um dátur, sum verða framleiddar:
- Staðbundnar dátur so sum adressukort, byggisamtyktir, bygningar, kommunur, lendiskort, markatalsbygdir, oyggjar, vegir og postnummur
- Topografisk kort
- Sjókort
Tól
Tól ið vit nýta og hava atgongd til og brúka í ein ávísan mun á land- og sjókortdeildini:
- Totalstatiónir
- Teodolittar
- GPSarar
- Fleirstrálu dýpdarmátarar
- Fixed wing drona við vanligum og multispektralum kamera
- Multi-rotor drona, Phantom 4 RTK til at taka kringsýnismyndir við
- Interregator, hyperin optical sensing instrument
Granskingarverkætlanir
HARMONISE
Granskingarverkætlanin “Talgilt eftirlit av standi og viðurskiftum hjá skipum og skipsskrúvum”, eisini kalla HARMONISE. Hendan verkætlanin skal kanna nýtsluna av GNSS saman við Fibre Brag Grating (FBG) tøkni fyri at máta bend og “displacement” av skipum. Mátingarnar verða gjørdar bæði í tíðar- og frekvens-økinum. Ætlanin er at vita, um nøkur ávís broyting sæst um okkurt er galið við skrúvuni. Fokus er serliga á skrúvuna, tí tá skrúvan er í ólagið, skapar hon ljóðdálking, sum kann styggja fisk burtur, men sum eisini ávirkar tey størru súgdjórini í havinum.
