Góðkenning av umhvørvisárinsmeting hjá Eysturkommunu um útbygging av havnarlagi Undir Gøtueiði
Útgivið: 2. august 2024
Dagført: 2. august 2024
Við hesum verður gjørt kunnugt, at Umhvørvisstovan hin 26. juli 2024, við heimild í løgtingslóg nr. 59 frá 17. mai 2005 um verju av havumhvørvinum við seinni broytingum, hevur góðkent
Umhvørvisárinsmeting hjá Eysturkommunu um útbygging av havnarlagi Undir Gøtueiði.
Góðkenningarskrivið sæst her
Avgerðin kann kærast til landsstýriskvinnuna í umhvørvismálum. Møgulig kæra skal sendast Umhvørvisstovuni, Traðagøta 38, FO-164 Argir, ella til us@us.fo í seinasta lagi 30. august 2024.
Kærurætt hava tey, sum avgerðin hevur ein serstakan, beinleiðis og persónligan týdning fyri.
Um tú hevur spurningar ella viðmerkingar, ert tú vælkomin at ringja til Umhvørvisstovuna, telefon 342400, ella senda ein teldupost til us@us.fo
