Fleiri nýggj gøtunøvn
8 nýggj gøtunøvn løgdust aftrat í 2011
Umhvørvisstovan umsitur Landsadressuskránna. Føroysku kommunurnar gera uppskot til veganøvn og húsanr. og senda síðani hesi til Umhvørvisstovuna, sum síðani góðkennur og skrásetur nýggju veganøvnini í adressuskránni.
Tá adressurnar eru góðkendar, verða tær lagdar á heimasíðuna hjá Umhvørvisstovuni til almenna nýtslu.
Í 2011 vórðu 8 nýggj gøtunøvn skrásett. Hesi eru:
| Vegur | Postnr | Stað |
| Kerjagøta | 100 | Tórshavn |
| Meinhartstrøð | 100 | Tórshavn |
| við Myllutjørn | 188 | Hoyvík |
| við Eirikstoftir | 370 | Miðvágur |
| á Rætt | 410 | Kollafjørður |
| Oman í Fjøru | 475 | Funningur |
| á Grønabóli | 700 | Klaksvík |
| Lopransdalur | 926 | Lopra |
Í alt eru nú 1847 gøtunøvn í Føroyum. Allir vegir og adressur kunnu heintast á heimasíðuni og brúkast í forritum so sum Excel og Access.
Les meira um hvørji gøtunøvn verða mest nýtt í Føroyum her.
Um tú vil hava meira at vita, ert tú vælkomin at seta teg í samband við Stein Fossá, deildarleiðara á Umhvørvisstovuni, telefon 342400 ella steinf@us.fo.
