Topografiska kortið, sum er tøkt á kortal.fo, er nú dagført við bygningum og vegum. Haraftrat eru nú eisini hagagøtur, varðar, hamrar og gjáir við á kortinum. Somuleiðis hevur kortið nú fingið nýtt snið.
Tað var í 2019 at Føroyar yvirtóku kortleggingina á landi. Nýggjasta kortið tá var fjórða útgávan (Útgáva 4.0) av topografiska kortinum, sum var framleidd av SDFE (Styrelsen for Dataforsyning og Effektivisering) í Danmark úr fylgisveinamyndum frá 2015. Kortið var einans talgilt og ikki prentað í lutfallinum 1:20.000, sum áður hevur verið vanligt við eldri útgávunum.
Seinastu mánaðirnar hevur Umhvørvisstovan arbeitt við at betra um og dagføra kortið, sum nú er útkomið í útgávu 4.8.
Fyri at gera tað lættari at síggja ymisku upplýsingarnar á kortinum, so sum staðarnøvn og lendissløg, er sniðið eisini broytt. Teknlýsing sæst á Føroyakort:
www.foroyakort.fo/um-foroyakort/teknlysingar/
Ætlanin við nýggja sniðinum er eisini at fáa kortið at virka meira dynamiskt á netinum, so kortið kann vísast í ymsum støddum.
Her eru nøkur dømi um broytingar, sum higartil eru gjørdar:
Arbeitt verður framhaldandi við at betra og dagføra kortið.
Kortið áðrenn (Útgáva 4.0) og aftaná broytingarnar (Útgáva 4.8)
Vegir verða nú heintaðir úr vegaskránni og hava fingið nýggja flokking.
Nú eru hagagøtur og varðar (violett) við á kortinum. Hamrar (myrkabrúnar tjúkkar strikur) og gjáir eru eisini við.
Bygningar verða nú støðugt dagførdir úr bygningsskránni.
Um tú vil hava meira at vita, ert tú vælkomin at seta teg í samband við Stein Fossá, telefon 342400 ella us@us.fo
Minni vøkstur í útláti av vakstrarh…
27-07-2022
Umhvørvisárinsmeting av sólorkuskip…
22-07-2022
Málsviðgerði til Vernd
15-07-2022
Umhvørvisgóðkenningin hjá smoltstøð…
15-07-2022
Framleiðsluapotekið fingið umhvørvi…
22-06-2022
Undantak at taða oman fyri 250 metr…
15-06-2022
Dagførd útgáva av trimum føroyskum …
13-06-2022
Stockholm+50: Átrokandi tørvur á um…
08-06-2022
Tiltak: Depilin fyri staðsetingarfr…
07-06-2022
Deildarleiðari til Vernd
01-06-2022