Fólkayvirlit

Fólkayvirlitið flutti í juni mánað 2007 úr Innlendismálaráðnum inn á Umhvørvisstovuna. Arbeiðið við at umleggja Fólkayvirlitið, soleiðis at fyrisitingin verður skipað eftir nýggju lógini, er í gongd. Ein verkætlanarleiðari varð í novembur 2008 settur til at standa fyri eini nýggjari talgildari skipan fyri fólkayvirlit.
 

  Ivan Klein Olsen er fólkayvirlitsleiðari á Umhvørvisstovuni

Lógin um fólkayvirlit hevur til endamáls at tryggja, at:

1. øll, ið eru fødd her í landinum, flutt til Føroya ella skulu skattaviðgerast í Føroyum hava eitt persónstal,
2. Fólkayvirlitið goymir grundleggjandi persónsupplýsingar um hvønn einstakan, ið hevur eitt persónstal,
3. hvør einstakur verður skrásettur á tí bústaði, har hann veruliga býr ella heldur til, og
4. upplýsingarnar í Fólkayvirlitinum á hóskandi hátt kunnu latast almennum myndugleikum ella privatum, ið hava heimilaðan áhuga í hesum.

Les meira her um ofta settar spurningar í samband við landsfólkayvirlit.

Vilt tú vita meira um fólkayvirlitið, ring tlf 358050 millum kl. 10 og 12, ella send okkum ein teldupost lfy@imr.fo.