Einnýtisíløt - ársuppgerð 2011

Talið av seldum einnýtisíløtum økist ár fyri ár. Í 2011 eru seld góðar 6,5 mió einnýtisíløt við panti og er tað aftur ein stórur vøkstur í mun til undanfarin ár. Tølini Umhvørvisstovan hevur fingið fyri 2011 vísa, at 80 % av seldu íløtunum komu inn aftur. Hetta er ein stórur vøkstur í retur-% í mun til undanfarin ár. Tað gongur rættan vegin hóast vit framvegis liggja nakað lægri enn eitt nú Danmark, Norra og Svøríki, har retur-% vanliga liggur nakað oman fyri 80 %.

Retur-% í Føroyum deilt yvir ymisku sløgini av íløtum sær soleiðis út (tølini fyri 2007 skulu takast við tí fyrivarni, at skipanin við einnýtisíløtum byrjaði á sumri 2007, og eru tølini sostatt bert fyri seinna hálvár) :  

Sambært kunngerðini um pant, er tað ikki álagt at krevja pant fyri íløt í sambandi við proviantering til toll- og avgjaldsfría nýtslu og sølu, og hevur Umhvørvisstovan tí mett, at rættast er, ikki at taka íløtini sum eru seld uttan pant við í uppgerðina. Umhvørvisstovan hevur tekur tí ikki tølini fyri íløt sum eru seld uttan pant við í uppgerðirnar.

Skipanin við einnýtisíløtum umfatar eitt vaksandi tal av íløtum sum eru seld við panti. Í 2011 síggja vit ein stóran vøkstur í retur-%, og fyri fyrstu ferð, er talið av íløtum, sum ikki kemur inn aftur, minka í mun til undanfarna ár:
 

 Sum stabbamynd, sæt tað soleiðis út:

Skipanin við einnýtisíløtum økist ár fyri ár. Í 2011 eru seld góðar 6,5 mió íløt í mun til knappar 5 mió íløt í 2010, og tí er sera týdningarmikið, at vit eisini gerast betri til at lata tómu íløtini inn aftur.

Tóm íløt, sum ikki verða latin inn aftur, tyngja okkara burturkastskipan óneyðugt ella liggja sløðast í náttúruni, í staðin fyri at verða endurvunnin. At nógv íløt ikki komu inn aftur merkir eisini, at tað liggja góðar 2,7 mió kr eftir hjá loyvishavarunum í óútgoldnum panti í 2011. 
 

Nærri útgreining sæst her.
 

Kelda: Innflytarar av einnýtisíløtum, sí her 
  

Ynskir tú fleiri upplýsingar um einnýtisíløt, so ring til Umhvørvisstovuna, tlf. 342400, spyr eftir Eyð Eidesgaard ella send okkum ein teldupost us@us.fo.