Øll størri kortlegging verður í dag gjørd eftir flogmyndum, eisini nevnd fotogrammetrisk kortlegging.
Flogmyndir verða tiknar við serútgjørdum flogførum. Í flogfarinum er eitt stórt myndatól og ígjøgnum eina lúka í botninum verða myndir tiknar.
Flogfar brúkt til fotografering
Flogmyndir verða tiknar soleiðis, at myndirnar umskarast við umleið 60 %. Tá myndirnar síðani verða settar í eitt úttekningartól, ber til at síggja hesar í stereo, tvs. sum 3d-myndir.
Matrikulstovan fekk sítt fyrsta úttekningartól í febr. 1985 (Zeiss - Planicomp C130) og hevur síðani tá gjørt øll teknisk grundkort í landinum.
Í jan. 2003 fekk Matrikulstovan eitt nýtt framkomið úttekningartól (Z/I Imaging - ImageStation2002). Í tólinum verða digitalar myndir brúktar og hvør mynd fyllir umleið 200 Mb. Tá 2 myndir eru í tólinum, ber til við serligum brillum, at síggja hesar stereoskopiskt.
Tólið verður brúkt til at gera bæði tekniskt grundkort við hæddarkurvum og myndakort (ortofoto).
Úttekningartól ImageStation 2002
Í jan. 2003 fekk Matrikulstovan eitt nýtt framkomið úttekningartól (Z/I Imaging - ImageStation2002). Í tólinum verða digitalar myndir brúktar og hvør mynd fyllir umleið 200 Mb. Tá 2 myndir eru í tólinum, ber til við serligum brillum, at síggja hesar stereoskopiskt.
Tólið verður brúkt til at gera bæði tekniskt grundkort við hæddarkurvum og myndakort (ortofoto).
|
