Umsókn um t.d. sundurbýti av eigindómi skal vera undirskrivað av øllum pørtum, t.e. fyrst og fremst eigarunum. Ein frágreiðing um endamálið við broytingini skal vera givin.Kommunan skal altið ummæla umsóknina.

Er talan um flyting av vídd frá einum eigindómi til annað, skulu evt. veðhavarar í ognini játta, at flytingin kann fara fram. 

Servituttur ella byrða er løgfrøðiligt hugtak fyri, hvussu eigaran á einum matrikulnummari við semju kann fáa rættindi á aðrari ogn. Til dømis at bruka ogn hjá grannanum, fyri betur at kunna nýta egið matrikulnummar (dømi: atkomuvegur til almennan veg).

Tað velst, men er talan um einstakt stykki og viðurskiftini annars eru í lagi, eigur hetta hægst at taka tríggjar mánaðir.

Tað velst um so nógv: støddina á stykkinum, marknaðarvirðið og hvussu nógv skal gerast burturúr sjálvum sundurbýtinum.  Skulu uppmátingar gerast og mark setast, ávirkar tað eisini kostnaðin av matrikuleringini.

Alt eftir umstøðunum so kostar frámatrikulering av einum vanligum grundstykki, sum er 500 m² til víddar, úr 10 og upp í góðar 20 tús. krónum. 

Matrikulkortið er eitt løgfrøðiligt kortverk, sum vísir matrikulnummar, mark millum tey og møguligar servituttir og eisini mark millum bygdir. Matrikulkort kann síggjast á www.kagi.fo hagani tað eisini ber til at prenta tað.

Eitt máliblað er eit kort við mátum og longdum millum mørk og øðrum líknandi upplýsingum. Avrit av máliblaði fæst við at venda sær til deildina Lendi. Tað er tó ikki altíð, at Umhvørvisstovan hevur tøkar upplýsingar um mát á øllum mørkum.

Um vegurin er vístur á matrikulkortinum, kann Umhvørvisstovan upplýsa, nær og hví vegræatturin er komin á matrikulkortið.

Um tygum vilja vita um ein vegrættur er tinglýstur, vinarliga setið tygum í samband við Tinglýsingardeildina hjá Umhvørvisstovuni. Klikk her fyri at fáa meira at vita.  

Ger tær greitt, hvat endamálið við sundurbýtinum er, og kanna so um hetta ber til. Kommunala byggisamtyktin er avgerandi, og somuleiðis atgongd til almennan veg. Spyr hjá kommununi. Aðrar bindingar kunnu vera. Kanna hjá Tinglýsingini. Klikkja her fyri at fáa meira at vita um tinglysingini.

Umsóknarblað fæst her á heimasiðuni ella hjá kommununi.

À tinglýsingini ber til at fáa upplýst um veðhald ella aðrar byrðar (bindingar) eru tinglýstar á eingindomin. Klikkja her fyri at fáa meira at vita.

Tú skalt kenna matrikulnummarið, spyr siðani á tinglýsingini, sum er partur av Umhvørvisstovuni. Vegleiðandi upplýsingar eru á heimasiðuni www.kagi.fo. Har kunnu tygum á korti leita eftir økjum, og sláa upplýsingar upp um einstøk matrikulnummur.
Fleiri heimasíður hjá kommunum hava eisini slíkar tænastur.

À www.kagi.fo ber til á kortum at leita eftir økjum, matrikulnummari og at seta ymsik kort saman. Slá matrikulnummarið upp og tendra fyri adressukortinum (Gøtunøvn/nummar).
Fleiri kommunur hava heimasiður við slíkari tænastu.

À heimasíðuni hjá Umhvørvisstovuni ber til at síggja, hvør hevur ábyrgdina av ymsu økjunum í landinum.

Klikkja her fyr at síggja arbeiðsøkjum.
Klikkja her fyri at síggja telefonnummar hjá starvsfølkum.

Setið tygum í samband við Kort og skráir á Umhvørvisstovuni.

Kostnaðurin fyri teldutøk matrikulkort (vektorkort) er:
Avgreiðslugjald 2000 kr. + 20 kr. fyri hvønn lutin.

À heimasíðuni hjá Umhvørvisstovuni ber til at finna og prenta umsóknarbløð. Klikkja her fyri at finna oyðubløð.